پریس فار پیس کے زیرا ہتمام دوسرا بین الاقوامی مقابلہ افسانہ نگاری افسانے بھیجنے کے آخری تاریخ اکتیس دسمبر ہے۔ منتخب افسانوں کی کتابی شکل میں انڈیا اور پاکستان سے شائع کیا جائے گا۔
لندن /لاہور، دہلی (خصوصی رپورٹ ہم سماج پاکستان ) پریس فار پیس پبلی کیشنز کے زیرِ اہتمام دوسرا عالمی مقابلہ افسانہ نگاری منعقد ہو رہا ہے۔ جس میں بھارت پاکستان سمیت پوری دنیا سے اردو افسانے ارسال کیے جا سکتے ہیں۔ نمایاں افسانوں کو انعامات دیے جائیں گے اور منتخب افسانوں کی کتاب انڈیا اور پاکستان سے شائع ہو گی۔ افسانہ بھیجنے کی آخری تاریخ 31 دسمبر 2024 ہے۔ اس تاریخ کے بعد موصول ہونے والے افسانے مقابلے میں شامل نہیں کیے جائیں گے۔ انچارج مقابلہ کرن عباس کرن نے مقابلے کی شرائظ کے بارے میں بتایا کہ کسی بھی موضوع پر افسانہ بھیجا جا سکتا ہے۔۔ افسانہ کم از کم 700 الفاظ اور زیادہ سے زیادہ 2000 الفاظ پر مشتمل ہونا چاہیے۔۔ افسانہ غیر مطبوعہ اور بالکل نیا ہو۔ افسانہ آپ کا ذاتی تحریر کردہ ہونا چاہیے۔ سرقہ ثابت ہونے پر متعلقہ افسانہ نگار کو مقابلے سے خارج کر دیا جائے گا اور مستقبل کے تمام مقابلوں میں شرکت پر پابندی ہوگی۔۔ افسانہ کمپوز شدہ اور مکمل پروف ریڈ کیا ہوا ہو۔تحریر ان پیج یا ورڈ فائل ( یونی کوڈ ) میں ہو۔۔ افسانے کے ساتھ اپنا نام، پتہ، اور واٹس ایپ نمبر ضرور درج کریں۔
افسانہ بھیجنے کی آخری تاریخ 31 دسمبر 2024 ہے۔ اس تاریخ کے بعد موصول ہونے والے افسانے مقابلے میں شامل نہیں کیے جائیں گے۔
منتخب افسانوں کو کتاب ” 2024 کے بہترین افسانے ” میں شامل کیا جائے گا ، کتاب انڈیا اور پاکستان کے الگ الگ ایڈیشن شائع ہوں گے۔ پہلی تین پوزیشن کو انعامات دیے جائیں گے۔ ۔ افسانہ درج ذیل ای میل ایڈریس پر بھیجا جائے۔